TRAVAY

Pwojè SZTL

STZL kwè nan konvèsasyon ki enfòme, ki baze sou statistik ki ka verifye, ak istwa ki byen rakonte kote moun ka wè tèt yo. Objektif nou se ankouraje echanj kritik ki entèlijan nan mitan moun ak gwoup moun ki pa panse, ki nonplis pa viv menm eksperyans, ki gen diferans nan laj, sèks, seksyalite, politik ak zòn yo rete. Espas STZL kreye yo chita nan respè divèsite ak diferans. 

Tout travay STZL chita nan kesyonman idantite, feminite ak seksyalite nan yon mond dijital k ap chanje chak jou pi plis. Chak pwojè reponn ak pwoblematik ki plis pa ka tann nan sosyete a ki ka enspire jenerasyon k ap vin aprè yo, pou yo aji yon lòt jan. Pwojè STZL yo original, yo parèt sou divès fòma tankou: piblikasyon lide, videyo, son, imaj, ak rankont piblik

STZL kreye pwojè miltimedya ki pouse refleksyon pi lwen epi ankouraje echanj youn ak lòt. .Chak pwojè òganizasyon an gen pouvwa pou transfòme epi enspire moun pran responsabilite tèt yo ak youn pou lòt, nan respè divèsite, kolaborasyon ak yon kominote ki soude.

  • Ban m Di w

    Banm di w se yon pòdkas STZL sou sa n ap viv nan entimite nou nan sosyete ayisyèn lan. Pòdkas sa a soti chak 2 fwa nan mwa a sou Apple Podcasts, Spotify, ak SoundCloud.

    Tande Ban m Di w

  • Nou Menm Menm

    NMM se yon seri konvèsasyon entim sou pawòl ki merite pale an piblik. Seri sa a disponib sou Youtube ak TikTok. 

    Gade Nou Menm Menm

  • San Filtè

    Vwa, istwa ak eksperyans jèn fanm ak jèn gason nan sosyete a san kòmantè. San Filtè bay divès kalite opinyon tout plas la. 

    Tande San Filtè

  • Kominote a

    Lide ki enfòme ki ka pwovoke nouvèl fason panse sou sijè ki gen rapò ak idante, feminite ak seksyalite.

    Swiv paj Instagram STZL la

  • Di m Plis

    Di m Plis se yon seri STZL k ap poze bon kesyon yo. Seri sa a se reyaksyon ki enfòme sou lide ki pa fè sans ki popilè sou rezo yo.

    Di m Plis ap soti byento

Fòmasyon

STZL kreye fòmasyon an liy ki bay jèn moun an Ayiti zouti ki ka pèmèt yo gen pouvwa sou lavi yo. Chak fòmasyon reponn ak yon bezwen jèn yo ki pa ka tann. Fòmasyon sa yo aksesib ak tout moun nan lang Kreyòl.  Nou kolabore ak pwofesyonèl ak enstitisyon ki pataje menm valè ak nou, k ap fè rechèch pou transfòme mantalite epi ankouraje sovtaj kolektif nan sosyete a.